قۆناغی تاقیکردنەوە: لەم قۆناغەدا کە دەستی پێکرد لە مانگی شەشی ٢٠١٥ دا، یەکەم هەنگاو ناساندنی چەند مەڵبەندێکی تەندروستی وچەند نەخۆشخانەیەک بوو بە پرۆژەکە بە پشت بەستن بە چەند تایبەتمەندییەک. لە هەنگاوی دووەمدا دەستمانکرد بە هەڵبژاردنی فۆرمێکی سۆفتوێر(DHIS2 ) کە تاقیکرابۆوە و گونجاوو بوو بۆ ناوچەکە و سیستەمی کۆدیی (ICD-10). لە هەنگاوی سێیەم دا، وانەیەکی ڕاهێنان پێشکەش کرا بە شارەزایانی تەندروستی لەسەر بەکارهێنانی سیستەمی زانیارییە تەندروستییەکان و چاودێریکردنی پەتاکان .

دواتر لە کۆتایی ساڵی ٢٠١٦ دا، نزیکەی ٢٩فەرمانگەی تەندروستی (١٦) مەڵبەند و (١٣) نەخۆشخانە بە ئینتەرنێتەوە بەستران، کە ئەمانەش دەستیان کرد بە کۆکردنەوەی ئەنجامی نەخۆشی هەموو نەخۆشێك.

​

قۆناغی جێبەجێ کردن: ئەم قۆناغە دەستی پێکرد لە ساڵی ٢٠١٨ دا، بە کردنەوەی چەند مەڵبەندێکی نوێ و زیادکردنیان بۆئەو مەڵبەندانەی کە لە پێشووتردا لە قۆناغی تاقیکردنەوەدا چالاک کرابوون. هەموو کەسانی شارەزا لە بواری تەندروستیدا لەو مەڵبەندانەدا پێشتر فێرکرابوون لەسەر کۆکردنەوە و شیکردنەوە و پۆلینکردنی نەخۆشییەکان. هەروەها لە ڕێگەی (ڕاهێنانی ڕاهێنەران) جیبەجێ کرا بۆ بەدەستخستنی ستافی نوێ لەو شوێنانەدا کە بتوانن بەردەوامی بدەن بە پرۆژەکە.

لە ساڵی ٢٠١٨-٢٠١٩ دا، زانکۆی تۆرڤێرگاتا لە ڕۆما وەک بەشیک لە پرۆژەکە هەستا بە دابین کردنی ٦ شوێن لە دکتۆرا تایبەت بە پرۆژەکە. لە مانگی ٩ی ٢٠١٩ دا ٥٩ مەڵبەندی تەندروستی و نەخۆشخانە کرابوونەوە لەلایەن کەسە ڕاهێنراوەکان بۆ ئەوەی ببن بە بەشێک لە پرۆژەکە.